Hamme fàtte de tutte p’avè ‘a paretà
e ‘mmò ‘mbrà fatije, spese a’u marcate
e servizzie ind’à ‘ccase
sìme sèmbe sfiàccate.
‘U prugresse jè belle
ma cù stress accùm’à mettìme?
Stame ‘cchiù stanghe e furiòse d’ mbrìne,
sciàme sèmbe de corse, pare
cà facìme a cazzòtte cù relògge.
Sciàme sèmbe fucènne
‘a sere sijme chìne de suènne
ne fastidiame pùre a scè a’u cesse,
‘nnò tenìme manghe ‘u tijmbe de’ffà ù sesse.
Ma pensanne a’ vita c’hònne fatte le nonne
quànne tott’à famiglija se mobeletave pe’ ffà ‘na vucate
o pe’ cucinà stavene òr’e òre a sciuscià ‘a furnacèdde,
m’addumanne: percàse ‘a femmena ha’nnate
sule pe’ purtà ‘a croce de case ‘nguèdde?
Le maschele se sape
se l’hònne sèmbe scapputtate,
sijme nù ca trebbùlame
c’u ‘a scòle, le figghije e peffìne ce tenìme ‘u cane.
Ma senz’a femmene l’òmene se perdene,
‘ssò eterne piccìnne sperdùte
ca cù ninde ne cerchene aiùte,
secùre d’essere superiòre
convinde de mètterne sott’à’llòre.
Ma ‘a femmene dà sòla ‘nnò se perde,
se sape ‘nù sìme ‘cchiù fandasiòse
ma all’occòrrenza mettìm’appòste ògne cose
quànne vulìme ‘nnò sìme nè fraggele e nè fesse
‘ssò ‘llòre…cà senz’a de nù…..’ssò cocchere allèsse!!!